Category: Мэдээ

Мэдээ, мэдээлэл

  • Азийн нийгэмлэгийн Ерөнхий нарийн бичгийн дарга нар цахимаар хуралдлаа

    2024-09-05

    Үндсэн хуулийн шүүх, түүнтэй адилтгах байгууллагуудын Азийн нийгэмлэгийн гишүүн улс орнуудын Үндсэн хуулийн шүүхийн Ерөнхий нарийн бичгийн дарга нарын цахим хурал 2024 оны 9 дүгээр сарын 5-ны өдөр боллоо.

    Цахим хуралд Нийгэмлэгийн гишүүн 20 гаруй улс орны Үндсэн хуулийн шүүхийн төлөөлөгчид түүний дотор Монгол Улсын Үндсэн хуулийн цэцийн Тамгын газрын дарга Д.Баянбилэг, Ёслол, гадаад харилцааны хэлтсийн дарга Г.Билгүүн нар оролцлоо.

    илүү

  • УИХ Үндсэн хуулийн цэцийн 2024 оны 03 дугаар дүгнэлтийн тухай тогтоолыг баталлаа

    2024-08-23

    Улсын Их Хурлын чуулганы өнөөдрийн /2024.08.19/ нэгдсэн хуралдаанаар Монгол Улсын Үндсэн хуулийн цэцийн 2024 оны 03 дугаар дүгнэлтийг үргэлжлүүлэн хэлэлцэв. УИХ-ын гишүүд 2024 оны 08 дугаар сарын 16-ны өдрийн нэгдсэн хуралдаанаар Үндсэн хуулийн цэцийн дүгнэлт, Хууль зүйн байнгын хорооны санал, дүгнэлттэй танилцсан.

    Үндсэн хуулийн цэц 2024 оны 6 дугаар сарын 12-ны өдөр Дунд суудлын хуралдаанаа хийж, Цагдаагийн албаны тухай хуулийн 26 дугаар зүйлийн 26.1 дэх хэсэгт цагдаагийн алба хаагч нь гэмт хэрэг, зөрчил үйлдсэнд сэрдэгдэж байгаа хүний нэр, хаягийг тодруулах, гэмт хэрэг, зөрчилд холбогдуулан шалгах, албадан саатуулах үндэслэл байгаа эсэхийг тогтоох зорилгоор хүнийг түр саатуулах хугацааг 6 цаг хүртэл байхаар заасан ч тус зүйлийн 26.2 дахь хэсэгт уг хугацааг түр саатуулах байранд хүргэснээс эхлэн тооцохоор зохицуулсан нь . . .

    илүү

  • Оюутнууд Цэцийн үйл ажиллагаатай танилцлаа

    2024-07-23

    БНСУ-ын Күүкмин их сургуулийн Хуулийн сургуулийн багш, оюутнуудын төлөөлөл өнөөдөр /2024.07.23/ Монгол Улсын Үндсэн хуулийн цэцийн ордонд хүрэлцэн ирж Үндсэн хуулийн цэцийн үйл ажиллагаатай танилцлаа.

    Энэ үеэр Үндсэн хуулийн цэцийн Тамгын газраас байгууллагынхаа бүрэн эрх, чиг үүрэг, Үндсэн хуулийн хяналтын онцлогийн талаар оюутнуудад мэдээлэл өгч, сонирхсон асуултад нь хариулт өгөв.
    МУИС-ийн Хууль зүйн сургууль нь БНСУ-ын Күүкмин их сургуулийн Хуулийн сургуультай байгуулсан хамтын ажиллагааны гэрээний дагуу 2011 оноос БНСУ-ын эрх зүйн боловсролын төвийг байгуулан ажиллуулж байна.

    илүү

  • Петербургийн олон улсын хууль зүйн XII чуулган, “Үндсэн хуулийн хяналт ба эрхийн хамгаалалт” сэдэвт олон улсын бага хурал тус тус болов

    2024-07-09
    ОХУ-ын Санкт-Петербург хотноо 2024 оны 6 дугаар сарын 26-29-ний өдрүүдэд ОХУ-ын Хууль зүйн яамнаас Петербургийн олон улсын хууль зүйн XII чуулган, ОХУ-ын Үндсэн хуулийн шүүхээс “Үндсэн хуулийн хяналт ба эрхийн хамгаалалт” сэдэвт олон улсын бага хурлыг тус тус зохион байгууллаа.

    Петербургийн олон улсын хууль зүйн чуулган нь хууль зүйн салбарын нэгэн хэсэг бөгөөд орчин үеийн хууль зүйн шинжлэх ухааны хөгжлийн тод илрэл болж бизнесийн ашиг сонирхолд нийцсэн хууль тогтоомжийн асуудлаарх орчин үеийн нөхцөлд нийгэм-эдийн засгийн, мөн хууль зүйн салбар хоорондын яриа хэлэлцээний хамгийн том талбар болж ирснээрээ онцлогтой аж.

    илүү

  • Оросын Холбооны Улсын Үндсэн хуулийн шүүх, Бүгд Найрамдах Польш Улсын Үндсэн хуулийн шүүхээс захидал ирүүлжээ

    2024-07-04

    Монгол Улсын Үндсэн хуулийн цэцийн дарга Г.Баясгаланд Үндсэн хуулийн цэцийн даргаар сонгогдсонтой нь холбогдуулан Оросын Холбооны Улсын Үндсэн хуулийн шүүхийн дарга В.Д.Зорькин, Бүгд Найрамдах Польш Улсын Үндсэн хуулийн шүүхийн дарга Юлия Пшилэмбска нар албан захидлууд ирүүлсэн байна.

    илүү

  • Албан захидал ирүүлжээ

    2024-07-03

    Монгол Улсын Үндсэн хуулийн цэцийн дарга Г.Баясгаланд Үндсэн хуулийн цэцийн даргаар сонгогдсонтой нь холбогдуулан Бүгд Найрамдах Австри Улсын Үндсэн хуулийн шүүхийн Ерөнхийлөгч, профессор Кристоф Грабенвартер албан захидал ирүүлсэн байна.

    Захидалдаа, “Монгол Улсын Үндсэн хуулийн цэцийн нийт гишүүний хуралдаанаар Монгол Улсын Үндсэн хуулийн цэцийн даргаар сонгогдсоныг сонсоход таатай байна. Танд баяр хүргэхийн сацуу энэхүү нэн хариуцлагатай үүргийг амжилттай хэрэгжүүлэхийг хүсэн ерөөе” гэжээ.

    илүү

  • Үндсэн хуулийн цэц байгуулагдсаны 32 жилийн ой тохиож байна

    Өнөөдөр Монгол Улсын Үндсэн хуулийн цэц байгуулагдсан өдөр. Монгол Улсын эх хуулийг онч мэргэнээр сахин хамгаалах, шударга шийдвэрлэх утга санааг бэлгэдэж 1992 онд батлагдсан Монгол Улсын Үндсэн хуулиар Үндсэн хуулийн цэц хэмээх байгууллагын эрх зүйн байдал, үйл ажиллагааны журмын үндсийг тогтоосон билээ.

    Тухайн үеийн байнгын ажиллагаатай анхны парламент-Улсын Бага Хурал Үндсэн хуулийн цэцийн тухай хуулийг баталж, 1992 оны долдугаар сарын 1-ний өдөр Монгол Улсын Үндсэн хуулийн цэцийн гишүүдийг томилох тухай тогтоол гаргасан байна. Энэ өдрийг Үндсэн хуулийн цэц байгуулагдсан өдөр хэмээн үзэж тэмдэглэж ирсэн түүхтэй.

    илүү

  • Хоёр улсын шүүх хоорондын харилцаа, хамтын ажиллагааг улам бэхжүүлэх хүсэлтэй байгаагаа илэрхийлжээ

    Монгол Улсын Үндсэн хуулийн цэцийн дарга Г.Баясгаланд Үндсэн хуулийн цэцийн даргаар сонгогдсонтой нь холбогдуулан Бүгд Найрамдах Солонгос Улсын Үндсэн хуулийн шүүхийн дарга, ноён Жонсок Ли баяр хүргэсэн албан захидал ирүүлсэн байна.

    илүү

  • Сэтгүүлийн Зөвлөлийн цахим уулзалт болов

    Үндсэн хуулийн хяналтын байгууллагуудын Евразийн нийгэмлэгийн “Үндсэн хуулийн эрх зүй” сэтгүүлийн редакцын Зөвлөлийн цахим уулзалт 2024 оны 6 дугаар сарын 20-ны өдөр боллоо.

    Уулзалтад оролцогсод сэтгүүлийн ээлжит дугаарын төслийн агуулга, сэдвийн талаар болон хэвлэлтэд шилжүүлэх зэрэг асуудлаар санал солилцов.

    Цахим уулзалтад Сэтгүүлийн зөвлөлийн гишүүн Б.Буяндэлгэр, Үндсэн хуулийн цэцийн Судалгааны төвийн ахлах судлаач Д.Гантуяа нар оролцлоо.

    Сэтгүүлийг эрхлэн гаргаж буй Үндсэн хуулийн хяналтын байгууллагуудын Евразийн нийгэмлэг нь 1997 онд байгуулагдсан бөгөөд нийтээр хүлээн зөвшөөрөгдсөн Үндсэн хуулийн үнэт зүйлсийг сурталчлах, Үндсэн хуулийн засаглалыг хангах талаар яриа хэлэлцээ хийх, туршлага солилцох зэрэгт Нийгэмлэгийн зорилго оршиж буй ажээ.

    илүү