• About: admin

Posts by admin:

  • “Үндсэн хуульт ёс” дээж бичгийг эрхлэн гаргалаа

    Монгол Улсын Үндсэн хуулийн цэцийн Судалгааны төв, “Хууль зүйн академи” хамтран “Үндсэн хуульт ёс” дээж бичгийг эрхлэн гаргалаа.
    Үндсэн хуулийн эрх зүйн мэдлэгийг хөгжүүлэхэд зориулсан энэхүү дээж бичигт 1992 оны Монгол Улсын Үндсэн хууль болон түүнд оруулсан нэмэлт, өөрчлөлтүүд, Үндсэн хуульд оруулсан нэмэлт, өөрчлөлт нь Үндсэн хууль зөрчсөн эсэх тухай маргааныг хянан хэлэлцсэн тухай Үндсэн хуулийн цэцийн дүгнэлт, тогтоол, Ард нийтийн санал асуулгын тухай, Зөвлөлдөх санал асуулгын тухай хууль зэргийг бүрэн эхээр нь нийтэлж олны хүртээл болгосон байна.

  • Арав гаруй улсын Үндсэн хуулийг эмхэтгэн гаргажээ

    “Гадаад орнуудын Үндсэн хууль” дээж бичиг хэвлэгдэн гарч уншигчдын гар дээр очоод байна.

    Сургалтын зориулалтаар бэлтгэсэн дээж бичигт Индонези, Япон, Итали, ХБНГУ, Франц, БНХАУ, БНСУ, ОХУ, Казахстан, Польш, Финланд Улсын Үндсэн хуулийг эмхэтгэн нэгтгэжээ.

  • Үндсэн хуулийн цэцийн Тамгын газрын албан хаагчид “Хуулийн төсөл боловсруулагчийн сургалт”-д хамрагдлаа

    Улсын Их Хурлын Тамгын газар, Монголын Хуульчдын Холбоо, Швейцарын хөгжлийн агентлагтай хамтран зохион байгуулсан хуулийн төслийн эх бичвэрийг хариуцан боловсруулдаг албан хаагчдыг мэргэшүүлэн бэлтгэж мэдлэг чадвар, арга барилыг дээшлүүлэх “Хуулийн төсөл боловсруулагчийн сургалт” 2023 оны 12 дугаар сарын 11-ээс 13-ны өдрүүдэд болж Үндсэн хуулийн цэцийн Тамгын газрын албан хаагчид хамрагдав. Хууль боловсруулагчдыг бэлтгэх уг сургалт нь хууль санаачлах эрх бүхий субъектүүдээс гарч байгаа хуулийн төслүүдийг хэрхэн Монгол Улсын хууль тогтоомжид нийцүүлэн боловсруулах, энэ процессыг хууль тогтоомжийн хүрээнд хэрэгжүүлэхэд маш чухал ач холбогдолтой юм.

  • “Хүний эрхийн түгээмэл тунхаглал” батлагдсаны 75 жилийн ой тохиож байна

    ”Хүний эрхийн түгээмэл тунхаглал” (The Universal Declaration of Human Rights) бол хүний үндсэн эрхийг эрхэмлэн дээдлэх зарчмыг баталсан баримт бичиг бөгөөд хүний эрхийн баталгааны зорилт, суурь хэмжүүрийг олон улсын хэмжээнд анх удаагаа зарлан тунхагласан юм.
    1948 оны 12 дугаар сарын 10-ны өдөр Нэгдсэн Үндэстний Байгууллагын Ерөнхий Ассамблейн 217/А/III/ тогтоолоор гишүүн улсууд “дэлхийн бүх улс түмэн, бүх улс гүрэн хэрэгжүүлэхийг эрмэлзвэл зохих нийтлэг зорилт болгон дэвшүүлж”, “Хүний эрхийн түгээмэл тунхаглал”-ыг баталж, түүний бүх заалтыг дагаж мөрдөхийг уриалсан билээ.

  • Анхдугаар Үндсэн хуулиа баталж, Бүгд Найрамдах Улсаа тунхагласан нь

      1924 оны 6 дугаар сарын 3-нд хуралдсан Монгол Ардын Намын Төв Хорооны Тэргүүлэгчдийн хурал улс оронд Бүгд Найрамдах засаг тогтоох тухай шийдвэр гаргасныг Төв Хорооны бүгд хурлаар хэлэлцэн баталж, “харьяат Бүгд Найрамдах ардын засгийг явуулж, … улсын бүх дээд эрхийг Улсын Их Хурал, мөн хурлаар сонгогдсон Засгийн газар хадгална” гэж тогтоожээ. Энэ дагуу БНМАУ-ын Анхдугаар хурал хуралдаж, 1924 оны 11 дүгээр сарын 26-нд Ардын бүрэн эрхт Бүгд Найрамдах Улсыг тунхаглан, анхдугаар Үндсэн хуулиа баталсан билээ.

           Уг Үндсэн хуулийн 1 дүгээр зүйлд: “Бүх Монгол Улсыг үүнээс хойш Бүгд Найрамдах Бүрэн Эрхт Ард Улс гэж, улсын дээд эрхийг жинхэнэ ардад эдлүүлэн, улсын аливаа хэргийг Улсын Их Хурал, тус хурлаар сонгогдсон Засгийн газраас гүйцэтгэн шийтгүүлэх явдлыг нийтээр сүсэглэн дагавал зохино” хэмээн заажээ.

  • УИХ-ын дарга Г.Занданшатар Үндсэн хуулийн цэцийн шинэ гишүүдэд үнэмлэхийг нь гардууллаа

    Өнөөдөр /2023.11.17/ УИХ-ын дарга Г.Занданшатар Үндсэн хуулийн Цэцийн гишүүнээр томилогдсон Л.Өлзийсайхан, О.Мөнхсайхан, Э.Энхтуяа нарт үнэмлэхийг нь гардуулан өглөө.
    Тэрбээр, “Та бүхэн Үндсэн хуулийн нэмэлт, өөрчлөлтийн төслийг боловсруулахаас эхлээд хэлэлцэн, батлах хүртэлх бүх үе шатанд оролцож явсан. Үндсэн хуулийн үзэл санаа, үнэт зүйлийг сахин хамгаалах, бэхжүүлэхэд хичээн ажиллана гэдэгт итгэж байна. Монгол Улсын Үндсэн хуулийн Жаран дөрөвдүгээр зүйлд “Монгол Улсын Үндсэн хуулийн Цэц бол Үндсэн хуулийн биелэлтэд дээд хяналт тавих, түүний заалтыг зөрчсөн тухай дүгнэлт гаргах, маргааныг магадлан шийдвэрлэх бүрэн эрх бүхий байгууллага, Үндсэн хуулийг чандлан сахиулах баталгаа мөн” гэж тодорхойлсон.

  • Монгол Улсын Үндсэн хуулийн цэцийн гишүүдийг томилж, чөлөөллөө

    Монгол Улсын Их Хурлын чуулганы 2023 оны 11 дүгээр сарын 16-ны өдрийн нэгдсэн хуралдаанаар Монгол Улсын Үндсэн хуулийн цэцийн гишүүдийг томилох, чөлөөлөх тухай асуудлыг хэлэлцлээ.

    Улсын Их Хурлын дарга Г.Занданшатар энэ талаарх танилцуулгадаа, Монгол Улсын Үндсэн хуулийн Жаран тавдугаар зүйлийн 1 дэх хэсэгт “Үндсэн хуулийн цэц есөн гишүүнээс бүрдэнэ. Тэдгээрийн гурвыг Улсын Их Хурал, гурвыг Ерөнхийлөгч, гурвыг Улсын дээд шүүхийн санал болгосноор Улсын Их Хурал зургаан жилийн хугацаагаар томилно” гэж, Монгол Улсын Үндсэн хуулийн цэцийн тухай хуулийн 3 дугаар зүйлийн 1 дэх хэсэгт Цэцийн есөн гишүүний гурвыг Улсын Их Хурал, гурвыг Ерөнхийлөгч, гурвыг Улсын дээд шүүхийн санал болгосноор Улсын Их Хурал зургаан жилийн хугацаагаар томилно” гэж тус тус заасныг онцлов.

  • “Хүндэт тэмдэг”-ээр шагнав

    Монгол Улсын Үндсэн хуулийн цэцийн дарга Н.Чинбат Шүүхийн сахилгын хорооны гишүүн Д.Эрдэнэчулууныг Монгол Улсын Үндсэн хуулийн цэцийн “Хүндэт тэмдэг”-ээр өнөөдөр /2023-11-16/ шагналаа. Монгол Улсын Үндсэн хуулийн үзэл санааг түгээн дэлгэрүүлэх, Үндсэн хуульт ёсыг хамгаалан бэхжүүлэх, хүний эрхийг хамгаалах, шүүхийн шинэтгэлийг хөгжүүлэх үйлсэд оруулсан түүний хувь нэмрийг үнэлж ийнхүү шагнажээ.