• About: admin

Posts by admin:

  • Н.Чинбат: “Үндсэн хуулийн цэцэд маргаан хянан шийдвэрлэх ажиллагааны тухай хуулийн шинэчлэлийн үйл явцад энэ хурал ач холбогдол үзүүлэх нь дамжиггүй”

    “Үндсэн хуулийн болон захиргааны эрх зүйн суурь асуудал” сэдэвт олон улсын эрдэм шинжилгээний IV бага хурал 2023 оны 3 дугаар сарын 22-ны өдөр МУИС-ийн номын сангийн байранд боллоо.
    Тус хуралд Монгол Улсын Үндсэн хуулийн цэцийн дарга Н.Чинбат оролцож үг хэлэхдээ, “Үндсэн хуулийн хяналттай холбоотой сэдвээр харилцан ярилцах өргөн боломж гарч байгаа”-г дурдаад “энэ нь Үндсэн хуулийн цэцэд маргаан хянан шийдвэрлэх ажиллагааны тухай хуулийн шинэчлэл явагдаж буй цаг хугацаатай давхцаж байгаад олзуурхаж байгаагийн хамт хуралд хэлэлцүүлэх илтгэлүүд тус хуулийн шинэчлэлийн үйл явцад ач холбогдол үзүүлэх нь дамжиггүй юм” гэдгийг онцлон тэмдэглэв.

    илүү

  • Н.Чинбат: “Үе үеийн Элчин сайд нар онцгой ач холбогдол өгч хамтран ажиллаж ирсэн”

    Монгол Улсын Үндсэн хуулийн цэцийн дарга Н.Чинбат Бүгд Найрамдах Солонгос Улсаас Монгол Улсад суугаа Онц бөгөөд Бүрэн эрхт Элчин сайд Ким Жун Гүг өнөөдөр /2023-3-6/ Үндсэн хуулийн цэцийн ордонд хүлээн авч уулзав.

    Уулзалтын үеэр Монгол Улсын Үндсэн хуулийн цэцийн дарга “Манай хоёр орны харилцаа, хамтын ажиллагааг амжилттай хэрэгжүүлэхэд Үндсэн хуулийн шүүхийн байгууллагуудын хамтын ажиллагаа чухал ач холбогдолтой гэж үздэг. Түүний хөгжүүлэхэд БНСУ-аас манай улсад сууж байсан үе үеийн Элчин сайд нар онцгой ач холбогдол өгч хамтран ажиллаж ирсэн”-ийг онцлон тэмдэглэв.

    илүү

  • Улс даяарх музей үнэ төлбөргүй ажиллана

    Өнөөдөр “Эх орончдын өдөр” тохиож байна. Аливаа ой, өдрийг тэмдэглэх нь тухайн үеийн түүхэн ач холбогдол, үнэ цэнийг ойлгон мэдэх, ирээдүй хойчдоо танин мэдүүлэх учир холбогдолтой байдаг билээ. Тиймээс гуравдугаар сарын эхний долоо хоногийг “Музейн нээлттэй өдөр” болгон энэ сарын 1-5-ны өдрүүдэд Төрийн болон орон нутгийн өмчийн музейнүүд үндэсний түүх, соёл, өв, уламжлал, ёс заншлын сэдэвтэй тусгай үзэсгэлэн гаргана.

    илүү

  • Үндсэн хуулийн цэцийн дарга Намжилын Чинбат мэндчилгээ дэвшүүллээ

    Ирж буй “Үзэсгэлэн болгогч” хэмээх усан туулай жил ивээлтэй байхын ерөөлийг дэвшүүлж байна.
    Танд болон танай гэр бүлд эрүүл энх, аз жаргал, сайн сайхан бүхнийг хүсэн ерөөе.

    ҮНДСЭН ХУУЛИЙН ЦЭЦИЙН ДАРГА
    НАМЖИЛЫН ЧИНБАТ

    илүү

  • Н.Чинбат: “Бидэнд олон хэлбэрээр хамтран ажиллах боломж бий”

    Монгол Улсын Үндсэн хуулийн цэцийн дарга Н.Чинбат АНУ-аас Монгол Улсад суугаа Онц бөгөөд Бүрэн эрхт Элчин сайд Ричард Буанганыг өнөөдөр /2023-02-14/ Үндсэн хуулийн цэцийн ордонд хүлээн авч уулзлаа.
    Уулзалтын эхэнд Үндсэн хуулийн цэцийн дарга Монгол Улсын Ерөнхийлөгчид Итгэмжлэх жуух бичгээ барьж, үйл ажиллагаагаа эхлүүлсэнтэй нь холбогдуулан ноён Ричард Буанганд баяр хүргэлээ.

    илүү

  • Г.Совдын нэрэмжит хууль зүйн сэдэвт шилдэг өгүүллийн шалгаруулалт боллоо

    Үндсэн хуулийн Цэцийн анхны дарга, гавьяат хуульч, хууль зүйн шинжлэх ухааны доктор, профессор Галдангийн Совдын нэрэмжит хууль зүйн сэдэвт шилдэг өгүүлэл шалгаруулах уралдааныг Монгол Улсын Үндсэн хуулийн Цэцийн Судалгааны төв, Шүүхийн ерөнхий зөвлөл, Улсын ерөнхий прокурорын дэргэдэх Сургалт, судалгааны хүрээлэн, Монгол Улсын Их Сургуулийн Хууль зүйн сургууль, Хууль зүйн үндэсний хүрээлэн хамтран амжилттай зохион байгууллаа.

    илүү

  • Иргэд хүний эрхийг хамгаалах талаар Цэцтэй хамтран ажиллахыг чухалд үзэж байна

    “Өдрийн сонин” 2023 оны 01 дүгээр сарын 23-ны өдрийн дугаартаа Үндсэн хуулийн цэцийн хэвлэл, мэдээллийн төлөөлөгч Ж.Нэргүйтэй Үндсэн хуулийн цэцийн үйл ажиллагаатай холбоотой зарим асуудлаар хийсэн ярилцлагыг нийтэлжээ.

    Асуулт:Өнгөрсөн жил Үндсэн хууль батлагдсаны, Үндсэн хуулийн цэц байгуулагдсаны 30 жилийн боллоо. Энэ 30 жилээ хэрхэн дүгнэж байна вэ?

    Хариулт:Ардчилсан төрт улсын тулгуур багана болсон Үндсэн хуулийн дагуу байгуулагдсан төрийн анхны байгууллагуудын нэг бол Үндсэн хуулийн цэц юм.

    илүү

  • “Үндсэн хуулийн Цэц хэний төлөө байв” номын нээлт боллоо

    “Монгол Улсын Үндсэн хуулийн өдөр” шинэ ном мэндэллээ. Тодруулбал, хуульч Ү.Амарбат, Б.Ариунтуяа нарын хамтран бичсэн “Цэц хэний төлөө байв” номын нээлт өнөөдөр болов. Номын зохиогчдын хувьд анхны номоо гаргаж байгаа бөгөөд өнгөрсөн хугацаанд Үндсэн хуулийн Цэцээс гаргасан хамгийн дуулиантай гэсэн 16 шийдвэрийг онцлон авч, энэхүү номдоо багтаажээ. Түүнчлэн жирийн иргэдэд хамгийн их хамаарал бүхий байсан шийдвэрүүдийг ч мөн онцлон авсан байна.

    илүү

  • Үндсэн хуулийн цэцийн тухай шинэ бүтээл олны хүртээл боллоо

    Монголын Улсын Үндсэн хуулийн цэцийн Тамгын газрын захиалгаар “Монгол кино нэгтгэл” ТӨҮГ-ын уран бүтээлчид “Монголын ард түмэн бидний төлөөх Үндсэн хуулийн цэц” баримтат кино бүтээж өнөөдөр буюу Монгол Улсын Үндсэн хуулийн өдөр үзэгчиддээ толилууллаа.

    Киноны оршил хэсэг дэх “Үндсэн хуулийн хүч чадал түүнийг хамгаалах иргэн бүрийн тууштай хүсэлд оршдог. Иргэн бүр энэхүү үйл хэрэгт хувь нэмрээ оруулахыг өөрийн үүрэг хэмээн үзэхийн цагт л Үндсэн хуулиар олгосон эрх хамгаалагдана.” гэсэн суут эрдэмтэн Альберт Эйнштейны үг нь энэхүү киноны гол утга санааг илэрхийлсэн байна.

    илүү