Үндсэн хуулийн хяналтын байгууллагын Евразийн нийгэмлэгийн цахим хурал боллоо

Үндсэн хуулийн хяналтын байгууллагын Евразийн нийгэмлэгийн цахим хурал 2023 оны 4 дүгээр сарын 21-ний өдөр боллоо.
Тус хуралд Монгол Улсын Үндсэн хуулийн цэцийн гишүүн Б.Буяндэлгэр, Үндсэн хуулийн цэцийн Судалгааны төвийн захирал Р.Мухийт, Үндсэн хуулийн цэцийн Тамгын газрын Ёслол, гадаад харилцааны хэлтсийн дарга Б.Солонго нар оролцов.

1997 онд байгуулагдсан тус нийгэмлэгт өдгөө Армен, Азербайджан, Беларусь, Казахстан, Киргиз, ОХУ, Таджик, Узбекистан, Монгол Улсын Үндсэн хуулийн хяналтын байгууллагууд гишүүнээр нь сонгогдон ажиллаж байна.

Тусгай боть хэвлэн гаргалаа

Үндсэн хуулийн шүүх, түүнтэй адилтгах байгууллагуудын Азийн нийгэмлэгийн 5 дугаар Их хурал “Ази дахь Үндсэн хуулийн шүүх эрх мэдлийн хөгжлийн өнөөгийн байдал” сэдвийн хүрээнд 2022 оны 8 дугаар сарын 18-19-ний өдөр Улаанбаатар хотноо болсон билээ.

Хурлын үеэр Үндсэн хуульт ёсыг дээдэлж улам төлөвшүүлэх, цар тахлын нөхцөлд хүний үндсэн эрх, эрх чөлөөг хамгаалах, түүний механизмыг сайжруулахад Үндсэн хуулийн шүүх, түүнтэй адилтгах байгууллагуудын эзлэх байр суурийг бататгах зэрэг сэдвээр 16 илтгэл сонсож хэлэлцүүлснээс гадна Их хурлаас “Улаанбаатарын тунхаглал” бичиг батлан гаргасан юм.

Чуулганаар Үндсэн хуулийн цэцийн дүгнэлтийг хэлэлцэв

Улсын Их Хурлын чуулганы 2023 оны 04 дүгээр сарын 13-ны өдрийн нэгдсэн хуралдаанаар Монгол Улсын Үндсэн хуулийн цэцийн 2023 оны 01 дүгээр дүгнэлтийг хэлэлцэв.

Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн 41 дүгээр зүйлийн 41.2 дахь хэсгийн зарим заалт Монгол Улсын Үндсэн хууль зөрчсөн эсэх тухай маргааныг Үндсэн хуулийн цэц 2023 оны 4 дүгээр сарын 05-ны өдрийн Дунд суудлын хуралдаанаар хянан хэлэлцсэн байна.

“Улс төр судлаач” мэргэжлээр суралцаж буй оюутнууд Цэцийн үйл ажиллагаатай танилцав

Монгол Улсын Их сургуулийн Шинжлэх ухааны сургуулийн нийгмийн ухааны салбарын Улс төр судлалын тэнхимийн оюутан, багш нарын төлөөлөл 2023 оны 4 дүгээр сарын 12-ны өдөр Монгол Улсын Үндсэн хуулийн цэцийн үйл ажиллагаатай танилцлаа.
Энэ үеэр тэдэнд Үндсэн хуулийн цэцийн бүрэн эрх, чиг үүрэг, Үндсэн хуулийн хяналтын онцлогийн талаар Үндсэн хуулийн цэцийн Тамгын газрын Референт Н.Онударь дэлгэрэнгүй мэдээлэл өгсөн байна.

Үндсэн хууль батлагдсаны 100 жилийн ойн мэндчилгээг нь уламжилж өгөхийг хүслээ

Монгол Улс, Румын Улсын Үндсэн хуулийн шүүхүүдийн хооронд шууд харилцаа тогтоох, хамтран ажиллах сонирхол, боломж их байгааг Монгол Улсын Үндсэн хуулийн цэцийн дарга Н.Чинбат Румын Улсаас Монгол Улсад суугаа Элчин сайд Василика Басил Константинескуг өөрийнх нь хүсэлтээр 2023 оны 4 дүгээр сарын 06-ны өдөр хүлээн авч уулзах үеэр мэдэгдлээ.

Нийслэлийн онцгой байдлын газрын Гамшгаас хамгаалах сургалт арга зүйн төвд анхан шатны дадлага сургалтад хамрагдав

Монгол Улсын Үндсэн хуулийн цэцийн Тамгын газрын алба хаагчид энэ оны 03 дугаар сарын 31-ний өдөр Нийслэлийн онцгой байдлын газрын Гамшгаас хамгаалах сургалт арга зүйн төвд анхан шатны танхимийн болон, биет дадлага сургалтад хамрагдав. 

Оюутнууд Цэцийн ордонд зочиллоо

“Отгонтэнгэр” их сургуулийн оюутан, багш нарын төлөөлөл өнөөдөр /2023-3-29/ Монгол Улсын Үндсэн хуулийн цэцийн ордонд зочилж, үйл ажиллагаатай нь танилцлаа. Энэ үеэр тэдэнд “Монгол Улсын Үндсэн хуулийн хөгжлийн товчоон”, “Монгол Улсын Үндсэн хуулийн цэц Үндсэн хуулийг чандлан сахиулах баталгаа мөн” баримтат кино тус тус үзүүлж сонирхуулсан бөгөөд Монгол Улсын Үндсэн хуулийн хөгжлийн түүхэн замнал, Үндсэн хуулийн цэцийн бүрэн эрх, чиг үүрэг болон Үндсэн хуулийн хяналтын онцлогийн талаар Үндсэн хуулийн цэцийн Тамгын газрын Референт Б.Эрдэнэбаяр дэлгэрэнгүй мэдээлэл өгсөн байна.

Н.Чинбат: “Үндсэн хуулийн цэцэд маргаан хянан шийдвэрлэх ажиллагааны тухай хуулийн шинэчлэлийн үйл явцад энэ хурал ач холбогдол үзүүлэх нь дамжиггүй”

“Үндсэн хуулийн болон захиргааны эрх зүйн суурь асуудал” сэдэвт олон улсын эрдэм шинжилгээний IV бага хурал 2023 оны 3 дугаар сарын 22-ны өдөр МУИС-ийн номын сангийн байранд боллоо.
Тус хуралд Монгол Улсын Үндсэн хуулийн цэцийн дарга Н.Чинбат оролцож үг хэлэхдээ, “Үндсэн хуулийн хяналттай холбоотой сэдвээр харилцан ярилцах өргөн боломж гарч байгаа”-г дурдаад “энэ нь Үндсэн хуулийн цэцэд маргаан хянан шийдвэрлэх ажиллагааны тухай хуулийн шинэчлэл явагдаж буй цаг хугацаатай давхцаж байгаад олзуурхаж байгаагийн хамт хуралд хэлэлцүүлэх илтгэлүүд тус хуулийн шинэчлэлийн үйл явцад ач холбогдол үзүүлэх нь дамжиггүй юм” гэдгийг онцлон тэмдэглэв.

Шинэ Үндсэн хуулийг сурталчлах илтгэлийн уралдааны шилдгүүд тодорлоо

Н.Чинбат: “Үе үеийн Элчин сайд нар онцгой ач холбогдол өгч хамтран ажиллаж ирсэн”

Монгол Улсын Үндсэн хуулийн цэцийн дарга Н.Чинбат Бүгд Найрамдах Солонгос Улсаас Монгол Улсад суугаа Онц бөгөөд Бүрэн эрхт Элчин сайд Ким Жун Гүг өнөөдөр /2023-3-6/ Үндсэн хуулийн цэцийн ордонд хүлээн авч уулзав.

Уулзалтын үеэр Монгол Улсын Үндсэн хуулийн цэцийн дарга “Манай хоёр орны харилцаа, хамтын ажиллагааг амжилттай хэрэгжүүлэхэд Үндсэн хуулийн шүүхийн байгууллагуудын хамтын ажиллагаа чухал ач холбогдолтой гэж үздэг. Түүний хөгжүүлэхэд БНСУ-аас манай улсад сууж байсан үе үеийн Элчин сайд нар онцгой ач холбогдол өгч хамтран ажиллаж ирсэн”-ийг онцлон тэмдэглэв.