• About: admin

Posts by admin:

  • Монгол Улсын Үндсэн хуулийн цэцийн Судалгааны төвийн судлаач, доктор С.Сүхчулуун “Монгол Улсын хүрээлэн буй орчны процессын эрх зүйн хөгжлийн чиг хандлага, тулгамдаж буй асуудал” сэдвээр танилцуулга хийлээ

    Монгол Улсын Үндсэн хуулийн цэцийн Судалгааны төвөөс Үндсэн хуулийн цэцийн Тамгын газрын нийт албан хаагч, боловсон хүчнийг чадавхжуулах зорилгын хүрээнд олон чиглэлээр дотоод сургалтыг тогтмол зохион байгуулдаг билээ. 2024.02.29-ний өдөр Монгол Улсын Үндсэн хуулийн цэцийн Судалгааны төвийн ахлах судлаач, доктор С.Сүхчулуун “Монгол Улсын хүрээлэн буй орчны процессын эрх зүйн хөгжлийн чиг хандлага ба тулгамдаж буй асуудал–Монгол Улс, Япон Улс, Аархусын конвенцын харьцуулсан судалгаа–” сэдвээр танилцуулга хийж, хэлэлцүүлэг өрнүүллээ.

    илүү

  • Хууль зүйн сэдэвт шилдэг өгүүллийн шалгаруулалт боллоо

    Үндсэн хуулийн Цэцийн анхны дарга, гавьяат хуульч, хууль зүйн шинжлэх ухааны доктор, профессор Галдангийн Совдын нэрэмжит хууль зүйн сэдэвт шилдэг өгүүлэл шалгаруулах уралдааныг Монгол Улсын Үндсэн хуулийн Цэцийн Судалгааны төв, Шүүхийн ерөнхий зөвлөл, Улсын ерөнхий прокурорын дэргэдэх Сургалт, судалгааны хүрээлэн, Монгол Улсын Их Сургуулийн Хууль зүйн сургууль, Хууль зүйн үндэсний хүрээлэн хамтран амжилттай зохион байгууллаа.

    Уралдааны шалгаруулалтыг доктор, эрдэмтдийн баг явуулж, нийт 11 өгүүлэл ирснээс нэгдсэн дүнгээр Э.Баасандэмбэрэлийн “Эрүүгийн хуулийн нэр томьёо, ухагдахууныг олон улсын гэрээгээр тайлбарлахтай холбоотой зарим асуудал” сэдэвт өгүүлэл 2023 оны хууль зүйн сэдэвт шилдэг өгүүллээр шалгарлаа.

    илүү

  • Төслийн удирдагчаар Монгол Улсын Үндсэн хуулийн цэцийн гишүүн, хууль зүйн доктор О.Мөнхсайхан ажиллажээ

    Монгол Улсын Их Сургуулийн Үндсэн хуулийн эрх зүйн хүрээлэн ХБНГУ-ын Ханнс Зайделийн сангийн дэмжлэгтэйгээр ХБНГУ-ын Холбооны Үндсэн хуулийн шүүхийн шийдвэр орчуулах төслийг хамтран хэрэгжүүлсэн байна.

    Энэ төслийн хүрээнд хэвлэн гаргасан “ХБНГУ-ын Холбооны Үндсэн хуулийн шүүхийн сонгомол шийдвэрийн эмхэтгэл: Үндсэн эрх” номоос гадна МУИС-ийн Үндсэн хуулийн эрх зүйн хүрээлэнгээс эрхлэн хэвлүүлсэн “Хувь хүний Үндсэн хуулийн шүүхэд хандах эрх” Венецийн комиссын шинэчилсэн тайлан, “Үндсэн хуулийн хяналтыг боловсронгуй болгох нь” эрдэм шинжилгээний бага хурлын эмхэтгэл, “Үндсэн хуулийн шүүхийн талаарх Венецийн комиссын санал, тайлан, судалгааны эмхэтгэл” номын нээлтийн ажиллагаа 2024 оны 01 дүгээр сарын 31-ний өдөр боллоо.

    илүү

  • Нийгэмлэгийн сэтгүүлийн Зөвлөлийн гишүүд цахимаар хуралдав

    Үндсэн хуулийн хяналтын байгууллагуудын Евразийн нийгэмлэгээс эрхлэн гаргадаг “Үндсэн хуулийн шүүх эрх мэдэл” сэтгүүлийн Зөвлөлийн гишүүдийн цахим хурал 2024 оны 01 дүгээр сарын 22-ны өдөр боллоо.
    Үндсэн хуулийн хяналтын байгууллагуудын үйл ажиллагаа, шийдвэрүүд, Үндсэн хуулийн эрх зүйн тулгамдсан асуудлуудыг тусгасан нийтлэл, мэдээ, мэдээлэл нийтэлдэг энэхүү сэтгүүлийн Зөвлөлийн хуралд Монгол Улсын Үндсэн хуулийн цэцийн гишүүн Б.Буяндэлгэр оролцов.

    илүү

  • Шүүхийн үндэсний төв, сургалт, судалгааны хүрээлэнгүүдийн харилцаа, хамтын ажиллагаа чухал ач холбогдолтойг болохыг онцлон тэмдэглэв

    Монгол Улсын Үндсэн хуулийн цэцийн гишүүн Ж.Эрдэнэбулган, Д.Гангабаатар, О.Мөнхсайхан нар Япон Улсын Хууль зүйн яамны харьяа Судалгаа, сургалтын хүрээлэнгийн Олон улсын хамтын ажиллагааны газрын захирал Шинтаро Найто тэргүүтэй төлөөлөгчдийг 2024 оны 01 дүгээр сарын 18-ны өдөр Цэцийн ордонд хүлээн авч уулзав.

    Уулзалтын үеэр Монгол Улсын Үндсэн хуулийн цэцийн гишүүн Ж.Эрдэнэбулган байгууллагынхаа бүрэн эрх, чиг үүрэг болон Үндсэн хуулийн хяналтын онцлогийн талаар зочдод танилцуулав.

    илүү

  • Монгол Улсын Их Хурлын сонгуулийн тухай хуулийн заалт Үндсэн хууль зөрчсөн гэсэн дүгнэлт гаргалаа

    Монгол Улсын Үндсэн хуулийн цэцийн өнөөдрийн /2024.01.17/ дунд суудлын хуралдаанаар нэр бүхий иргэдийн мэдээллийн дагуу Монгол Улсын Их Хурлын сонгуулийн тухай хуулийн 29 дүгээр зүйлийн 29.3.3 дахь заалт Үндсэн хуулийн холбогдох заалтыг зөрчсөн эсэх маргааныг хэлэлцээд Монгол Улсын Их Хурлын сонгуулийн тухай хуулийн заалт Үндсэн хууль зөрчсөн гэсэн дүгнэлт гаргалаа

    илүү

  • Монгол Улсын Үндсэн хуулийн өдөрт зориулав

    Монгол Улс 1924 онд анхдугаар Үндсэн хуулиа баталснаас хойш 1940, 1960, 1992 онуудад 3 удаа шинээр Үндсэн хуулиа баталсан түүхтэй.
    1980-аад оны сүүлчээс Монгол оронд өөрчлөлт, шинэчлэлтийн уур амьсгал өрнөсөн. Үүнтэй уялдан 1990 онд Үндсэн хуулийг шинэчлэн боловсруулах ажил эхэлсэн. БНМАУ-ын Бага Хурлаар хэлэлцсэн Үндсэн хуулийн төслийг хүлээн авсан БНМАУ-ын Ардын Их Хурал 76 хоног хуралдаж 1992 оны 1 дүгээр сарын 13-ны өдөр ардчилсан шинэ Үндсэн хуулийг оршил, 6 бүлэг, 70 зүйлтэйгээр баталсан билээ.

    илүү

  • Үндсэн хуулийн цэц видео архив бүрдүүлж эхлэв

    Монгол Улсын Үндсэн хуулийн цэцийн Тамгын газраас эрхлэн “Дурсамж бүтээсэн он жилүүд” төслийг хэрэгжүүлж байна.

    Төслийн зорилго нь Монгол Улсын Үндсэн хуулийн цэц үүсэл, хөгжлийнхөө 30 гаруй жилийн хугацаанд бий болгосон арвин баялаг түүхээ бодитой үнэлж, дүгнэхийн сацуу Үндсэн хуулийн биелэлтэд дээд хяналт тавих бүрэн эрхээ, Үндсэн хуулийг чандлан сахиулах баталгаагаа хэрхэн ханган хэрэгжүүлж ирсэн, Цэцийн шийдвэрийн үнэ цэнэ, ач холбогдол нь юунд оршиж байдаг, гадаадын ижил төрлийн байгууллагуудтай харилцаа, хамтын ажиллагааг хэрхэн хөгжүүлж ирсэн зэрэг үйл баримтыг, Үндсэн хуулийн цэцийн үе үеийн гишүүд, дарга нар, Тамгын газрын ахмад ажилтнуудын дурсамжийг эмхэтгэн нэгтгэж, архивлан үлдээх явдал юм.

    илүү

  • Үндсэн хуулийн цэцийн гишүүн Г.Баясгалан Үйл ажиллагааны нээлтийн ёслолын арга хэмжээнд оролцов

    Монгол Улсын Үндсэн хуулийн цэцийн гишүүн Г.Баясгалан 2024 оны 01 дүгээр сарын 10-ны өдөр болсон Бүгд Найрамдах Индонези Улсын Үндсэн хуулийн шүүхийн 2024 оны үйл ажиллагааны нээлтийн ёслолын арга хэмжээнд цахимаар оролцлоо. Энэхүү арга хэмжээнд Үндсэн хуулийн шүүх, түүнтэй адилтгах байгууллагуудын Азийн нийгэмлэгийн гишүүн орнуудын төлөөлөгчид цахимаар оролцсон байна.

    илүү