Монгол Улсад Төрийн захиргааны мэргэжлийн ууган тэнхим байгуулагдсаны 30 жилийн ойд зориулсан эрдэм шинжилгээний хурал амжилттай зохион байгуулагдлаа

Монгол Улсад Төрийн захиргааны мэргэжлийн ууган тэнхим байгуулагдсаны 30 жилийн ойд зориулсан эрдэм шинжилгээний хурлыг 2024 оны 5 дугаар сарын 10-ны өдөр зохион байгуулав.

Хурлаар Төрийн захиргааны тэнхимийн түүхэн замнал, Төрийн албаны сургалтад тэнхимийн гүйцэтгэж буй үүрэг, Захиргааны шинжлэх ухааны хөгжил, Монгол төрийн оршихуйн гадаад, дотоод хүчин зүйлийн шүтэлцээ, Монгол Улсын хөгжлийн бодлого, төлөвлөлт, Захиргааны шинэчлэл ба төсвийн бодлого, Нутгийн удирдлагын шинэчлэлийн асуудал, Орон нутгийн чиг үүрэг ба тулгамдсан асуудал сэдвээр эрдэм шинжилгээний илтгэлүүд хэлэлцэж, хэлэлцүүлэг өрнүүлэв.

Үндсэн хуулийн цэцийн Тамгын газрын ажилтнууд мод тарилаа

Монгол Улсын Ерөнхийлөгчийн зарлигаар жил бүрийн 5, 10 дугаар сарын хоёр дахь долоо хоногийн Бямба гарагийг “Бүх нийтээр мод тарих Үндэсний өдөр” болгон зарласнаас гадна “Тэрбум мод” Үндэсний хөдөлгөөнийг өрнүүлэх тухай шийдвэр гаргасан билээ.

Эдгээр зарлигийг хэрэгжүүлэх хүрээнд иргэд, төрийн болон төрийн бус байгууллагууд байгалиа хайрлан хамгаалах, мод, бут, сөөг, цэцэг тарьж ургуулах, арчлан хамгаалах, түүнийг амьдралын хэв маяг болгон хэвшүүлэх үйлсэд идэвхи санаачлагатай оролцдог уламжлал тогтсон.

Хөтөлбөрийн дагуу Монгол Улсын Үндсэн хуулийн цэцийн үйл ажиллагаатай танилцав

Оросын Холбооны Улсын Доржи Банзаровын нэрэмжит Буриад улсын их сургуулийн Хууль зүйн сургуулийн оюутан, багш нарын төлөөлөл хөтөлбөрийн дагуу өнөөдөр /2024-5-9/ Монгол Улсын Үндсэн хуулийн цэцийн ордонд хүрэлцэн ирж, Цэцийн үйл ажиллагаатай танилцлаа.
Тэд Монгол Улсад байх хугацаандаа Монголын Өмгөөлөгчдийн Холбоо, Монголын Хуульчдын Холбоо, Хүний эрхийн Үндэсний комисс, Нийслэлийн Захиргааны хэргийн шүүх зэрэг байгууллагын үйл ажиллагаатай танилцсан байна

“Амины эрх болон бусад үндсэн эрхийн маргаан” сэдвээр сургалт хийлээ

МУИС-ийн Хууль зүйн сургуулийн Хувийн эрх зүйн тэнхимийн багш, судлаач Д.Ганхүрэл Монгол Улсын Үндсэн хуулийн цэцийн Тамгын газрын ажилтнуудад зориулж “Амины эрх болон бусад үндсэн эрхийн маргаан” сэдвээр өнөөдөр /2024-5-9/ сургалт хийлээ.

Үндсэн хуулийн цэцийн бүрэн эрх, чиг үүрэг, хяналтын онцлогийн талаар дэлгэрэнгүй мэдээлэл өгөв

Монгол Улсын Их Сургуулийн Улс төр судлал, олон улсын харилцаа, нийтийн удирдлагын сургуулийн Улс төр судлалын тэнхимийн оюутнууд 2024 оны 4 дүгээр сарын 15-ны өдөр Монгол Улсын Үндсэн хуулийн цэцийн ордонд зочилж, цэцийн үйл ажиллагаатай нь танилцлаа.

Энэ үеэр “Монгол Улсын Үндсэн хуулийн хөгжлийн товчоон” баримтат киног үзүүлж сонирхуулсны зэрэгцээ Үндсэн хуулийн цэцийн Тамгын газрын референт Б.Эрдэнэбаяр Үндсэн хуулийн цэцийн бүрэн эрх, чиг үүрэг, хяналтын онцлогийн талаар дэлгэрэнгүй мэдээлэл өгч, оюутнууд сонирхсон асуултаа асууж, хариулт авлаа.

Үндсэн хуулийн цэцийн Тамгын газрын ажилтнууд бүх нийтийн нэгдсэн арга хэмжээнд идэвхтэй оролцлоо

Жил бүр зохион байгуулагддаг “Хаврын их цэвэрлэгээ” арга хэмжээний хүрээнд Бүх нийтийн нэгдсэн их цэвэрлэгээг 2024 оны 4 дүгээр сарын 11-13-ны өдрүүдэд зохион байгуулахаар шийдвэрлэжээ.
Энэ арга хэмжээнд нийслэлийн бүх байгууллага, аж ахуйн нэгж, сууц өмчлөгчдийн холбоо, иргэд өргөнөөр оролцдог уламжлалтай билээ.

Оюутнууд Үндсэн хуулийн цэцийн үйл ажиллагаатай танилцлаа

“Отгонтэнгэр” их сургуулийн Хууль зүйн сургуулийн оюутнууд 2024 оны 4 дүгээр сарын 9-ний өдөр Монгол Улсын Үндсэн хуулийн цэцийн ордонд зочилж, үйл ажиллагаатай нь танилцлаа.

Энэ үеэр Үндсэн хуулийн цэцийн Тамгын газраас “Монгол Улсын Үндсэн хуулийн хөгжлийн товчоон” баримтат кино үзүүлж сонирхуулсны зэрэгцээ байгууллагынхаа бүрэн эрх, чиг үүрэг, Үндсэн хуулийн хяналтын онцлогийн талаар дэлгэрэнгүй мэдээлэл өгч, сонирхсон асуултад нь хариулт өгөв.
Ийнхүү эрх зүйн хөтөлбөрөөр суралцаж буй оюутнууд сургалтын хөтөлбөрт нь тусгагдсаны дагуу Монгол Улсын Үндсэн хуулийн цэцийн үйл ажиллагаатай танилцлаа.

Үндсэн хуулийн цэцийн Тамгын газрын ажилтнууд Кибер аюулгүй байдлын сургалтад хамрагдлаа

Кибер аюулгүй байдлын Зөвлөл, Удирдлагын академи хамтран “Цахим засаглалын төлөв, цаашдын чиг хандлага /Кибер аюулгүй байдал/” сэдэвт сургалтыг 2024 оны 3 дугаар сарын 28, 29-ний өдрүүдэд зохион байгууллаа. Энэ нь кибер аюулгүй байдлыг бэхжүүлэхээр боловсруулсан шинэ модулаар явагдсан анхны сургалт юм. Цахим хөгжил, харилцаа холбооны яам, Кибер халдлага, зөрчилтэй тэмцэх нийтийн төв, Тагнуулын ерөнхий газрын Мэдээллийн аюулгүй байдлын газар, Удирдлагын академи, ШУТИС-ийн Мэдээлэл, холбооны технологийн сургуулийн багш нар удирдан явуулсан тус сургалтад төрийн болон албаны онц чухал мэдээлэл хамгаалах үүрэг бүхий Үндсэн хуулийн цэц, Хүний эрхийн Үндэсний комисс, Ерөнхийлөгчийн Тамгын газар, Төрийн албаны Зөвлөл, Шүүхийн ерөнхий Зөвлөл, Улсын Их Хурлын Тамгын газар, Монгол Улсын Ерөнхий прокурорын газар, Засгийн газрын Хэрэг эрхлэх газар зэрэг нийт 36 байгууллагын кибер аюулгүй байдал хариуцсан албан хаагчид хамрагдлаа.

Гамшгийн аюулын зарлан мэдээллийн дохиогоор дадлага, сургуулилт хийж, бэлэн байдлыг хангаж ажиллав

Монгол Улсын Засгийн газрын 2011 оны 339, 340 дүгээр тогтоолоор батлагдсан “Гамшгийн аюулын тухай зарлан мэдээллийн дохио дамжуулах журам”, “Гамшгийн үеийн дайчилгаа, нүүлгэн шилжүүлэх журам”-ын дагуу жил бүрийн 3 дугаар сарын 4 дэх долоо хоногийн пүрэв гарагийн 16.00 цагт гамшгийн аюулын зарлан мэдээллийн дохиогоор дадлага, сургуулилт хийж, бэлэн байдлыг хангах өдөр болгосон юм.

Энэ хүрээнд Монгол Улсын Үндсэн хуулийн цэцийн Тамгын газрын ажилтнууд улс орон даяар зарлан мэдээллийн дохиог дамжуулах үед өөрт ойр байгаа аюулгүйн цугларах талбайд цуглаж, дадлага сургуулилт хийж, бэлэн байдлыг хангаж ажиллав.

Монгол Улсын Үндсэн хуулийн цэцийн 2024 оны 01 дүгээр дүгнэлтийг хүлээн зөвшөөрлөө

Улсын Их Хурлын 2024 оны 3 дугаар сарын 22-ны өдрийн чуулганы хуралдаанаар Монгол Улсын Үндсэн хуулийн цэцийн 2024 оны 01 дүгээр дүгнэлтийг хэлэлцэв.
Үндсэн хуулийн цэцийн гишүүн Г.Баясгалан уг дүгнэлтийг танилцуулсан. Уг дүгнэлтэд, Монгол Улсын Их Хурлаас 2023 оны 07 дугаар сарын 07-ны өдрийн хуулиар Монгол Улсын Их Хурлын сонгуулийн тухай хуулийн 29 дүгээр зүйлд “сүүлийн 6 хүртэл жилийн хугацаанд Төсвийн тогтвортой байдлын тухай хуульд заасан Төсвийн тогтвортой байдлын зөвлөлд гишүүнээр ажиллаж байгаагүй.” гэсэн 29.3.3 дахь заалт нэмсэн нь Монгол Улсын Үндсэн хуулийн Нэгдүгээр зүйлийн 2 дахь хэсгийн “… хууль дээдлэх нь төрийн үйл ажиллагааны үндсэн зарчим мөн.