Үндсэн хуулийн цэцийн шийдвэрийн эмхэтгэлийг цахимаар унших боломжтой боллоо

2025-01-31

Үндсэн хуулийн биелэлтэд дээд хяналт тавьж, Үндсэн хууль зөрчсөн эсэх тухай маргааныг магадлан шийдвэрлээд гаргасан Үндсэн хуулийн цэцийн шийдвэрүүдийг тусгайлан эмхэтгэж, нийтийн хүртээл болгосоор ирсэн.

Тэгвэл уг эмхэтгэлийг цахимаар унших боломжтой боллоо. Үндсэн хуулийн цэцийн албан ёсны https://constitutionalcourt.mn/ цахим сайтын “шийдвэрийн эмхэтгэл᠌” цэсэнд “Монгол Улсын Үндсэн хуулийн цэцийн шийдвэрийн эмхэтгэл (2017-2019 он)”, “Монгол Улсын Үндсэн хуулийн цэцийн шийдвэрийн эмхэтгэл (2020-2023 он) ботиудыг тус тус бүрэн эхээр нь байршууллаа.

Сэтгүүлийн Зөвлөлийн ээлжит цахим уулзалтад оролцов

2025-01-20

Үндсэн хуулийн хяналтын байгууллагуудын Евразийн нийгэмлэгийн эрхлэн гаргадаг “Үндсэн хуулийн шүүх эрх мэдэл” сэтгүүлийн редакцын Зөвлөлийн ээлжит цахим уулзалт өнөөдөр буюу 01 дүгээр сарын 20-ны өдөр боллоо.
Тус сэтгүүлийн редакцын зөвлөлийн гишүүд сэтгүүлийн ээлжит дугаарын төслийн агуулга, сэдвийн талаар санал солилцов.
Цахим уулзалтад Үндсэн хуулийн цэцийн гишүүн, Сэтгүүлийн зөвлөлийн гишүүн Б.Болдбаатар, Үндсэн хуулийн цэцийн Судалгааны төвийн ахлах зөвлөх Д.Гантуяа нар оролцлоо.

ЭМГЭНЭЛ

Мэндчилгээ ирүүлжээ

2025-01-14

Монгол Улсын Үндсэн хуулийн цэцийн дарга Г.Баясгаланд Бүгд Найрамдах Польш Улсын Үндсэн хуулийн шүүхийн Ерөнхийлөгч Богдан Свичковски Үндсэн хуулийн өдрийг тохиолдуулан баярын мэндчилгээ ирүүлсэн байна.
Тэрээр, мэндчилгээндээ “Хоёр улсын Үндсэн хуулийн шүүх хоорондын хамтын ажиллагааг улам өргөжүүлж, нягт хамтран ажиллах нь чухал” гэдгийг онцлон дурдсан байна.

Цэцийн шагнал гардуулав

Монгол Улсын Үндсэн хууль батлагдсан өдрийг тохиолдуулан Удирдлагын академийн Судалгаа, эрдэм шинжилгээний албаны дарга, доктор Жамбалын Жаргал, “Онлайн Солюшн” ХХК-ийн захирал Доржравдангийн Соёл-Эрдэнэ нарыг Монгол Улсын Үндсэн хуулийн цэцийн “ХҮНДЭТ ТЭМДЭГ”-ээр, Налайх дүүргийн Цагдаагийн хэлтсийн дэд ахлагч Хажидсүрэнгийн Хуланг “Монгол Улсын Үндсэн хуулийн цэцийн “ЖУУХ БИЧИГ”-ээр тус тус шагнав.

Монгол Улсын Үндсэн хуулийн өдөрт зориулав

Монгол Улсын Үндсэн хууль батлагдсаны 33 жилийн ойг тохиолдуулан “Үндсэн хуулиа дээдлэн залах” ёслолын арга хэмжээ өнөөдөр (2025-01-13) Цэцийн ордонд боллоо.

Үндсэн хуулийн цэц Үндсэн хуулийн үзэл санааг түгээн дэлгэрүүлэх, “Мэдэгтүн, сахигтун!” гэж даяар олноо зарлан тунхагласныг сахин биелүүлэх зорилгынхоо хүрээнд “Үндсэн хуулиа дээдлэн залах тухай” Монгол Улсын Их Хурлын 2024 оны 21 дүгээр тогтоолыг хэрэгжүүлж уг арга хэмжээг албан ёсоор, ёслол төгөлдөр зохион байгуулсан юм.

Монгол Улсын Үндсэн хуулийн цэцийн даргын мэндчилгээ

Монгол Улсын Үндсэн хуулийн өдөрт зориулав

2024-01-12

Монгол Улс 1924 онд анхдугаар Үндсэн хуулиа баталснаас хойш 1940, 1960, 1992 онуудад 3 удаа шинээр Үндсэн хуулиа баталсан түүхтэй.

1980-аад оны сүүлчээс Монгол оронд өөрчлөлт, шинэчлэлтийн уур амьсгал өрнөсөн. Үүнтэй уялдан 1990 онд Үндсэн хуулийг шинэчлэн боловсруулах ажил эхэлсэн. БНМАУ-ын Бага Хурлаар хэлэлцсэн Үндсэн хуулийн төслийг хүлээн авсан БНМАУ-ын Ардын Их Хурал 76 хоног хуралдаж 1992 оны 1 дүгээр сарын 13-ны өдөр ардчилсан шинэ Үндсэн хуулийг оршил, 6 бүлэг, 70 зүйлтэйгээр баталсан билээ.

Цэцийн Тамгын газрын зарим ажилтанд Төрийн захиргааны албан тушаалын зэрэг дэв олгов

2024-01-10

Монгол Улсын Үндсэн хуулийн цэцийн дарга Г.Баясгалан Төрийн албаны тухай хууль, Монгол Улсын Их Хурлын 2019 оны “Төрийн захиргааны албан тушаалын зэрэг дэв, түүний нэмэгдэл олгох журам батлах тухай” 21 дүгээр тогтоолыг үндэслэн Үндсэн хуулийн цэцийн Тамгын газрын зарим ажилтанд Төрийн захиргааны албан тушаалын зэрэг дэвийг олгов.

Үндсэн хуулийн цэцийн шийдвэрийн эмхэтгэл хэвлэгдэн гарлаа

2024-01-07

Монгол Улсын Үндсэн хуулийн цэцийн шийдвэрийн эмхэтгэлийн нээлтийн арга хэмжээ 2024 оны 01 дүгээр сарын 07-ны өдөр Цэцийн ордонд боллоо.
Уг арга хэмжээнд Монгол Улсын Үндсэн хуулийн цэцийн дарга, гишүүд болон Монгол Улсын дээд шүүх, Шүүхийн ерөнхий зөвлөл, Хууль зүй, дотоод хэргийн яам, Шүүхийн сахилгын хороо, Шүүхийн академи, Хууль зүйн үндэсний хүрээлэн, Үндсэн хуулийн эрх зүйн хүрээлэн, МУИС-ийн Хууль зүйн сургууль, Дотоод Хэргийн Их Сургууль, Их Засаг Их Сургууль, Монголын хуульчдын холбоо зэрэг 25 байгууллагын эрдэм шинжилгээ, сургалт, судалгаа хариуцсан төлөөлөл хүрэлцэн ирж оролцсон юм.