Монгол Улсын Үндсэн хуулийн цэц 2025-2028 онд үйл ажиллагаандаа баримтлах стратегиа баталлаа

2024-01-07

Монгол Улсын Үндсэн хуулийн цэц 2025-2028 онд үйл ажиллагаандаа баримтлах стратегиа баталлаа.

Уг стратегийг хэрэгжүүлснээр Үндсэн хуулийн цэцийн бие даасан, Цэцийн гишүүний хараат бус байдлын баталгааг бүрдүүлэх, маргаан хянан шийдвэрлэх ажиллагааны үр нөлөөг дээшлүүлэх, шийдвэрийн үндэслэлийг чанаржуулах, төвийг сахисан, ил тод байдлыг хангах, инновац технологийн шинэчлэлийг нэвтрүүлэх, ажлын бүтээмж, хүртээмжийг дээшлүүлэх үр дүнд хүрэх юм.

Үндсэн хуулийн цэцийн дарга Г.Баясгалан нээлтийн арга хэмжээнд цахимаар оролцов

2025-01-02

Монгол Улсын Үндсэн хуулийн цэцийн дарга Г.Баясгалан өнөөдөр (2025-01-02) Бүгд Найрамдах Индонези Улсын Үндсэн хуулийн шүүхийн 2025 оны үйл ажиллагааны нээлтийн арга хэмжээнд цахимаар оролцлоо.
Тус арга хэмжээг Бүгд Найрамдах Индонези Улсын Үндсэн хуулийн шүүхийн дарга, ноён С.Сухартоёо нээж илтгэл тавьсан бөгөөд Үндсэн хуулийн шүүх, түүнтэй адилтгах байгууллагуудын Азийн нийгэмлэгийн гишүүн орнуудын төлөөлөгч болон бусад зочид, төлөөлөгч нийт 200 гаруй хүн биечлэн болон цахимаар оролцов.

Үндэсний эрх чөлөө, тусгаар тогтнолоо сэргээсний 113 жилийн ой тохиож байна

2024-12-29

1911 оны цагаагчин гахай жилийн өвлийн дунд сарын шинийн есөн буюу аргын тооллын 1911 оны 12 дугаар сарын 29-ний өдөр Монголчууд үндэсний тусгаар тогтнолоо сэргээн зарлаж, VIII Богдыг шашин, төрийг хослон баригч, хэмжээгүй эрхт хаанд өргөмжилж түүнд төрийн тамга, төрийн далбаа, өргөмжлөл, хүндэтгэлийг өргөж, таван яам бүхий Засгийн газартай, тусгаар тогтносон Монгол Улсыг байгуулсан юм.

Монголчуудын сэргэн мандлын эхийг тавьсан 1911 оны Үндэсний эрх чөлөөний хувьсгал нь төрт ёсны өнө эртний уламжлалтай Монголын ард түмний онцгой, бахархвал зохих түүхэн үйл явдал билээ. Энэхүү Үндэсний эрх чөлөөний хувьсгал нь Монголчуудын туурга тусгаар улсаа сэргээн байгуулах гэсэн олон арван жилийн мохошгүй хүсэл тэмүүлэл, тууштай тэмцлийн биелэл, үндэсний ухамсрын их сэргэлтийн эхлэл, 1921 оны Ардын хувьсгалын бодит хөрс болсон юм.

“Хүний эрхийн түгээмэл тунхаглал” батлагдсан өдөр тохиож байна

2024-12-10

Нэгдсэн Үндэстний Байгууллагын Ерөнхий Ассамблейн 217/А/III/ тогтоолоор гишүүн улсууд “дэлхийн бүх улс түмэн, бүх улс гүрэн хэрэгжүүлэхийг эрмэлзвэл зохих нийтлэг зорилт болгон дэвшүүлж”, “Хүний эрхийн түгээмэл тунхаглал”-ыг 1948 оны 12 дугаар сарын 10-ны өдөр баталж, түүний бүх заалтыг дагаж мөрдөхийг уриалсан билээ.

Цахим уулзалт хийлээ

2024-06-12

Монгол Улсын Үндсэн хуулийн цэцийн дарга Г.Баясгалан, Цэцийн гишүүд, Тамгын газрын ажилтнууд ХБНГУ-ын Холбооны Үндсэн хуулийн шүүхийн шүүгч асан, доктор, профессор Рудольф Меллинхофтой өнөөдөр /2024.12.06/ цахим уулзалт хийлээ.

Б.Чимид агсны 90 насны ойд зориулсан олон улсын эрдэм шинжилгээний хурал өндөрлөлөө

2024-06-12

Монгол Улсын Хөдөлмөрийн баатар, Ардын багш, Гавьяат хуульч, доктор, профессор Бяраагийн Чимид агсны мэндэлсний 90 насны ойг тохиолдуулан өнөөдөр Төрийн ордонд зохион байгуулсан олон улсын эрдэм шинжилгээний хуралд Монголын төр, нийгмийн нэрт зүтгэлтнүүд, эрдэмтэн докторууд, академичид оролцож олон сонирхолтой илтгэл хэлэлцүүллээ. Ардчилсан Үндсэн хууль болон Б.Чимид агсан, түүний зүтгэж, бүтээж явсан олон салбарууд, бүтээл туурвилуудыг тойрсон илтгэлүүдээс тэр хүн хэчнээн өргөн хүрээнд сэтгэж, холыг харж, зөв чигчийг баримталж, тууштай хөдөлмөрлөснийг харж болохоор ажээ.

Б.Чимидийн “Үндсэн хуулийг дээдлэн шүтэх ёс” номын уншлагыг зохион байгууллаа

2024-11-29

Монгол Улсын Үндсэн хуулийн цэцээс санаачлан Монгол Улсын Их Сургуулийн Үндсэн хуулийн эрх зүйн хүрээлэн, Б.Чимид сантай хамтран Анхдугаар Үндсэн хууль батлагдсаны 100 жилийн ой, Монгол Улсын төр, нийгмийн нэрт зүтгэлтэн, ардчилсан Үндсэн хуулийн эхийг баригч, Хөдөлмөрийн баатар, Ардын багш, гавьяат хуульч, доктор, профессор Б.Чимидийн мэндэлсний 90 насны ойг тохиолдуулан өнөөдөр /2024.11.29/ түүний “Үндсэн хуулийг дээдлэн шүтэх ёс” номын уншлагыг анх удаа зохион байгууллаа.

Үндсэн хуулийн цэцийн дарга Г.Баясгалан: “Улсын хувь заяатай холбоотой асуудлыг нийт ард түмний хүсэл зоригт нийцүүлэн шийдэх боломж бүхий засаглалыг бүрдүүлсэн нь анхдугаар Үндсэн хуулийн түүхэнд гүйцэтгэсэн чухал үүрэг” гэв

2024-11-25

Бүгд Найрамдах Улсыг тунхаглаж, анхдугаар Үндсэн хууль баталсны 100 жилийн ойн хүрээнд зохион байгуулж буй “Үндсэн хуульт ёс: Өнгөрсөн, одоо, ирээдүй” олон улсын эрдэм шинжилгээний хуралд Монгол Улсын Үндсэн хуулийн цэцийн дарга Г.Баясгалан оролцож үг хэллээ.

1924 оны 11 дүгээр сарын 26-ны өдөр Монгол Улсын анхдугаар Их Хурлаар БНМАУ-ын Үндсэн хуулиа 6 бүлэг 50 зүйлтэйгээр батлав

2024-11-25

Монгол Улс төрт ёсны олон мянган зуунаар өртөөлсөн уламжлалтай. Хүчирхэг явж их түүхийг бүтээлцсэн өвөг дээдэстэй. Энэ бүхэн нь Монгол түмний бахархал билээ. Тэртээ 13 дугаар зуунаас “Их засаг” хууль, “Алтан хааны цааз”, “Монгол, Ойрадын Их цааз”, “Халх журам” зэргийг дагаж мөрдөж байсан нь дээрээ төртэй дэргэдээ хууль цаазтай явсны бахархалт түүх юм.

Түүнчлэн Зарлигаар тогтоосон Монгол Улсын хууль зүйлийн бичиг, “Тангаргийн гэрээ”, “Улсын түр цагийн хурлын дүрэм”, “Засгийн газрын төлөөлөгчийн дүрэм”, “Монголын олон засаг ба засаг бус ван гүнгүүдийн эрх хэмжээний дүрэм”, “Монгол Улсын нутгийн захиргааны дүрэм” зэрэг Үндсэн хуулийн шинжтэй эрх зүйн актууд байсан нь өнөө цагийн Үндсэн хуульт ёс үүсэж хөгжих эх суурь нь болсон юм.

Улсын Их Хурал “Үндсэн хуулиа дээдлэн залах тухай” тогтоолын төслийг батлав

2024-11-21

Улсын Их Хурлын 2024 оны намрын ээлжит чуулганы өнөөдрийн (2024.11.21) нэгдсэн хуралдаанаар “Үндсэн хуулиа дээдлэн залах тухай” Улсын Их Хурлын тогтоолын төслийг хэлэлцлээ. Тус тогтоолын төслийг хэлэлцсэн талаарх Төрийн байгуулалтын байнгын хорооны санал, дүгнэлтийг Улсын Их Хурлын гишүүн Г.Уянгахишиг танилцууллаа.

1992 оны 01 дүгээр сарын 13-ны өдөр баталсан ардчилсан, шинэ Үндсэн хуулийн оршил хэсэгтээ “Монголын ард түмэн бид Улсынхаа тусгаар тогтнол, бүрэн эрхт байдлыг бататган бэхжүүлж, хүний эрх, эрх чөлөө, шударга ёс, үндэснийхээ эв нэгдлийг эрхэмлэн дээдэлж, төрт ёс, түүх, соёлынхоо уламжлалыг нандигнан өвлөж, хүн төрөлхтний соёл иргэншлийн ололтыг хүндэтгэн үзэж, эх орондоо хүмүүнлэг, иргэний ардчилсан нийгэм цогцлуулан хөгжүүлэхийг эрхэм зорилго болгоно.